Friday, April 12, 2024
HomeTamilதுருக்கி நிலநடுக்கம் - பலி எண்ணிக்கை 15 ஆயிரத்தை தாண்டியது!

துருக்கி நிலநடுக்கம் – பலி எண்ணிக்கை 15 ஆயிரத்தை தாண்டியது!

தெற்கு துருக்கி மற்றும் சிரியாவில் ஏற்பட்ட பயங்கர நிலநடுக்கத்தால் உயிரிழந்தவர்களின் எண்ணிக்கை 15,000ஐ தாண்டியுள்ளதாக வெளிநாட்டு ஊடகங்கள் தெரிவிக்கின்றன.

இன்றைய காலை நிலவரப்படி நிலநடுக்கத்தால் உயிரிழந்தோர் எண்ணிக்கை 15, 383 ஆக அதிகரித்துள்ளது.
துருக்கியில் 12 ஆயிரத்து 391 பேர் உயிரிழந்துள்ளனர். சிரியாவில் 2 ஆயிரத்து 992 பேர் உயிரிழந்துள்ளனர். இதனால், துருக்கி-சிரியாவில் ஏற்பட்ட நிலநடுக்கத்தால் உயிரிழந்தோர் எண்ணிக்கை 15 ஆயிரத்து 383 ஆக அதிகரித்துள்ளது.

50 ஆயிரத்திற்கும் அதிகமானோர் படுகாயமடைந்துள்ளனர். கடும் பனிப்பொழிவுக்கு இடையே கட்டட இடிபாடுகளில் சிக்கியுள்ள மக்களை மீட்க மீட்பு படையினர் போராடி வருகின்றனர்.
இடிபாடுகளை தோண்டத்தோண்ட சடலங்கள் தென்பட்ட வண்ணம் உள்ளன. எனவே, பலி எண்ணிக்கை மேலும் உயரும் என அஞ்சப்படுகிறது.

இதற்கிடையில், 2011 ஆம் ஆண்டில் ஜப்பான் நிலநடுக்கத்தில் சுமார் 20,000 பேர் உயிரிழந்தனர். துருக்கிய நிலநடுக்கத்தின் பலி எண்ணிக்கை அதனை நெருங்கலாம் என்று நிபுணர்கள் எச்சரிக்கின்றனர்.

எவ்வாறாயினும், இந்த அனர்த்தத்துடன் எதிர்வரும் மே மாதம் தேர்தலை சந்திக்கவுள்ள ஏர்டோகன் தொடர்பில் துருக்கி மக்கள் மத்தியில் விரக்தி அதிகரித்து வருவதாக வெளிநாட்டு ஊடகங்கள் தெரிவிக்கின்றன.

RELATED ARTICLES

LEAVE A REPLY

Please enter your comment!
Please enter your name here

Most Popular