லிட்ரோ சமையல் எரிவாயு நிறுவனம் இன்று (04) நள்ளிரவு முதல் அதன் விலைகளை அதிகரிக்க தீர்மானித்துள்ளதாக அதன் தலைவர் முதித பீரிஸ் தெரிவித்துள்ளார்.
ஊடகவியலாளர் சந்திப்பொன்றில் கலந்து கொண்டு அவர் இதனை தெரிவித்துள்ளார்.
இதன்படி, 12.5 கிலோகிராம் சமையல் எரிவாயு சிலிண்டர் 343 ரூபா அதிகரிக்கப்படவுள்ளது. இதற்கமைய, 2982 ரூபாவாக காணப்பட்ட 12.5 கிலோகிராம் எடை கொண்ட சமையல் எரிவாயு சிலிண்டரில் புதிய விலை 3470 ரூபாவாகும்.
அதேபோல், 1198 ரூபாவுக்கு விற்பனை செய்யப்பட்ட 5 கிலோகிராம் எடை கொண்ட சமையல் எரிவாயு சிலிண்டர் விலை 137 ரூபா அதிகரிக்கப்படவுள்ள நிலையில், அதன் புதிய விலை 1393 ரூபாவாகும்.
561 ரூபாவுக்கு விற்பனை செய்யப்பட்ட 2.3 கிலோ கிராம் எடை கொண்ட சமையல் எரிவாயு சிலிண்டரின் விலை 63 ரூபா அதிகரிக்கப்பட்டுள்ளதுடன் அதன் புதிய விலை 650 ரூபாவாகும் என லிட்ரோ எரிவாயு நிறுவனத்தின் தலைவர் முதித பீரிஸ் தெரிவித்துள்ளார்.